jeudi 6 janvier 2011

تي سيب روحك عاد !


ملا حكاية !
يوليش الواحد كل يوم يدو على قلبو لا تصيرلو مصيبة ؟
شنوة هاذي بيراتاج وبراكاج وخطف وضرب وتفشيخ !؟
تي فكو علينا عاد ! سيبنا يا سي وذني !!
شنية هاذي لا عندي الحق لا نصيح لا نتكلم لا نحل فمي لا نسكرو ؟
ياخي بلكشي تبعت في سوق العبيد وأنا ما فيباليش ؟
سيب عاد ! ترت ! طير !!
وقتاش سيادتكم ركبتولي سلسلة في رقبتي وانا أمي ولدتني حر ؟!!
بول عليها* القراية والحلمات كان العيشة ولات هكة !!
ياخي تحبو شطر الشعب يحرق رحو والشطر لاخر يحرق مالبلاد وتقعدو تصرفقو وتحكمو في الوزغ والغربان ؟؟!
تي سيب روحك عاد !!
أما، لا مانيش ساكت !
ورحمة البوعزيزي حتى كان تقصلي لساني ... نكتب بدم قلبي !
ليوم 3 مدونين وفنان راب ما فماش ريحتهم !!
اليوم هوما وغدوة ممكن أنا !
وأنتي ... أي انتي... ما تسكتش !!!
بعد غدوة يمكن يجي دورك وللى أمك وللى خوك وللى بوك !
تكلم ! ما تسكتش... خلي يسيب صالح، ويسيب روحو !!

* سامحوني في الكلمة

6 commentaires:

milicien a dit…

thana manach saktine houma 9ad ma y7archou n7archou m3ahom ;)

E. a dit…

Houma isalslou w ilémmou w ihottou fel hbousét w mézzelet mouch ennes el kol tetkallém... Mais d'après ce que je suis en train de voir, plus de personnes commencent à prendre conscience et cherchent à savoir ce qui se passe réellement, ça réchauffe le coeur de voir que le peuple commence à s'impliquer et agiter les tabous politiques!

Youssef a dit…

:) Game Over :)

Med Ali BESSAYHIA a dit…

Juste une petite remarque...ce que vous disiez me parait logique et évident à part l'utilisation du mot ورحمة البوعزيزي ...je ne parle pas de ra7ma ou " d'un sujet religieux",juste pour rectifier,le mec "M.BOUAZIZI" n'est pas un héros pour qu'on parle avec son nom...car l'histoire va certainement parler de ça... seul le peuple qui a libéré son pays pas un individu...par contre vive la liberté d'expression ...

Youssef a dit…

je suis d'accord qu'il n'est pas Le héros.
mais c’était le 6 Janvier ,
beaucoup d’émotions pour faire attention à ce détail ... :)

mhsnelmhmdy a dit…

كنت قالق برشا ومتغشش
لكن بعدما قرأت
كلامك اللطف عليا
اتغششت اكثر

----
طبعاً انا امزح
اللهجة التونسية باهية برشا
وقد اجتهدت لافهم كلماتك بشكل صحيح
ومن الواضح انها رائعة

تحياتي لك