vendredi 10 décembre 2010

أنا حـــــرّ

أنا حرّ وحريتي ما توفاش ...
وانتي حرّ ، كيفك كيفي ...
لا حد يحكم فينا ولا نحكمو في حد ...
مانيش نفذلك ، نحكي بالمجد ...
أنا حر وحريتي ما توفاش ...


لا ... مانيش نسكن في الڨمرة
لا نكون مالسلطان ولا السلطان يكون مني
لا نعرف الحاشية ولا الحاشية يعرفوني
لا نحبهم لا يحبوني ...
نسكن في بلاد ... كيفها كيف كل بلاد ...
حجر وشجر وهوايش وعباد ...
برشة هوايش وشوية عباد ...


أنا حر ونتكلم
أنا حر ونصيح
خلي يسكتوني ...
خلي يهزوني ...
أنا حر بش ناقف ،
بعد ما نطيح ...
أنا حر بش نملى بحر الدنيا،
بعد ما يشيح ...


حر كيما القطعي حر،
كي يسرق ويخطف ويبني قصر ...
حر كيما المجرم حر ،
كي يقتل ويضرب ويسكّر البر ،
حر كيفهم وقت اللي يتشدّو ...
ويحكمو عليهم بش يشدو قفص ويتهدّو ...


أنا حر ...
ما لقيتش الحرية تتبختر في الثنية
لابسة سفساري وماشية بالنيّة
وخطبتها من بوها وهداهالي
وقالي عينيك عليها وهنيهالي


أنا حر وحريتي حرب ...
حرب مع كل حجرة وقفتلي في الثنية ...
حرب مع النوم اللي ينسي الهموم
حرب مع الليل اللي غطى الشمس عليا ...

أنا حر و حريتي حرب ...
حرب مع الخوف اللي ساكن جواجيا...



10 ديسمبر ، اليوم العالمي لحقوق الأنسان .


4 commentaires:

E. a dit…

Hatta ena Horra ! (et ça n'a rien à voir avec la publicité qui porte ce même slogan)

P.S: Mabrouk le nouveau look et la 'zik et tout ! :D

Youssef a dit…

on est tous libres... de se taire :pp

Merci :D

P.S : j'ai puisé l'inspiration du look dans ton blog :p

guyguoz a dit…

des fois je me tiens les bras droites vers cette terre qui va embrasser mon corps un jour et me tiendra compagnie quand la solitude sera mon maître ..je regarde les gens et me dis ne voient ils donc pas nos chaines , ces murs étroites qui nous étouffent à la limite de ce passage dans ce grand prison dit : patrie , lève ma tête les murs sont là : drôle de prison qu'on nomme pays ..cette terre devient incertaine je n'ai pas vraiment un statut d'humain que dans cet extrait de naissance ou matricule d'individu ..youssef , ton poste est très inspirant pour cette brute que je fais :'(

Youssef a dit…

salut guyguoz
je crois que la vraie prison est dans nos esprit . et que tout ce qui est physique ne peut pas être une limite devant la liberté (ou très peu ) . encore faut t-il avoir la liberté de libérer son esprit :)