samedi 4 décembre 2010

حسبة



اللّي حسب وحدو و فضلّو...
ولّى معادش يحسب و دار في الحسبة
خرجولو من فم الزّنقة قارينلو حسابو
قالو نحسبولو حسبتو و نخرّجوه مالحسبة
قعد يحسب فيها في مخّو
كي فهم حسبتهم ما حبّش يحسبهم
ما عينوش يحاسبهم ...
حتّى كان جاو حاسبينلو حسابو
هوما حسبتو حسبوها ... أما مزّالو ما حسبولوش حسابو
هز سبحتو و خلاّلهم حسبتو و تقعّد
قعدو يحسبو وحدهم
ياخي فضلّلهم مالحسبة
وللّي يقعدو يحسبو وحدهم يفضللهم
رجعلهم من فم الزّنقة وقاللهم
نعاودو الحسبة و احسبوني معاكم و كيف نكملو نحسبو ، نحاسبكم
وقعدو الكل يحسبو
وحدهم
في شطر الحسبة ، ضهرتلو الحسبة محسوبة من قبل
جبد روحو من حسبتهم وهزّ فاضل الحسبة
رجع منين جا و ماحسبهمش
حلّتلو حسيبة باب الدار و قاتلو هات نحسبهملك
قاللها، ما عيني في حساب ، حتى كان جاو يعرفو يحسبو
قالتلو، نحكي عالحسبة موش عاللّي يحسبو
قاللها، خوذ احسب ، اما هاذا راهو الفاضل موش الحسبة الكل
قالتلو، أوه حتى انا كنت حاسبتك فايق و فاهم الحسبة الكلّ
محسوب... هوكيف تجي تحسب حسبة صحيحة ،يطلع الفاضل خير من حسبة ما تتحسبش...





7 commentaires:

EL FAN a dit…

اللّي حسب وحدو و فضلّو... صحيح مهمشنتي بهالتدوينة
;)
أما الحساب تحت التوتة سي يوسف
:p

guyguoz a dit…

آنا نتصوّر إلّي ما دام الحسبه محسوبه كارو فلان ترانالهم بالباهي قبل ما يهبط بيدو يكوّر و يشارك في طرح الحسبه إلّي مش ديمه تكون محسوبه وإسئل حسيبه إذا كان كيف خذاتو حسايبتشي إلّي باش توصل لترتيب أقوى محاسبيّه في البلاد ..أمّا يوسف يا خويا ينجم كل ..يولّي كنطابلي

E. a dit…

لا محسوب !

fléna bent flén a dit…

حسبتها الحسبة متاع الماتريس حاسب أن؟؟

Youssef a dit…

مشكورين عالتحاليل الأنطولوجية والابستمولوجية المنيرة... اللي إن دلت على شيء فهو إنو أنتوما محسوب فاهمين الحسبة الكل :)

Rania a dit…

pfff dhaya3t le7seb :s

Rania a dit…

pff dhaya3t le7seb :s